موضة العبايات

السلاام عليكم ورحمة الله وبركاته ..

ردينا لكم مع سوالف يديدة ^_^ ..

ونسيت صح ..


اشحاالكم ؟؟

اشتقتوا لسوالف رحيقووه ؟؟

بدون تردد أكيد هيه صح ؟ < خخخ < ثقة ثقة .. < هههههه


أمزح .. < تدرون عاد متعودين < ههههههه


طبعاً الموضوع وااضح من عنوانه ..

فكرت أنزل هالموضوع لأنه مهم ..


الحين صار عندنا بالخليج موضة اسمها عبايات مخصرة ..

عااد ما أوريكم عاد ..

مب لازم أقول ..

أكيد شفتوها في المول وال..الخ

حتى اللي بالمدرسة تطلع وتنزل لبس المدرسة علشان تلبس عباية مخصرة ..

وعاد العطر ..

مساكين أهلهم مخلصة عطر البيت كله ومو مخليتلهم شي ..

وبقول لبناتنا ..

عباتج شخصيتج ..

انتي ضعيفة .. عباتج ضعيفة شراتج ومخصرة ..

لا تخلين إبليسج ذكي ..

خليج أذكى منه *_^ ..

عاد إبليس اللعين هذا .. مستغل التكنولوجيا أكثر منا < للأسف حقيقة

إنتي قوية بشخصيتج .. وبمظهرج ناس يحترمونج ..

مظهرج عبارة عن ترجمة لفكرج وشخصيتج ..

يعني أقدر أستنتج من شخص لابس فردة جوتي رياضة وبالريوله الثانية لابس شب شب فإنه إنسان مهم ما يهتم بمظره ..

أو مستعيل كان ..

وأستنتج من البنت اللي تحط مكياج وعطر وعباية مخصرة وحجاب نص راس ..

إنها تبا مغازلجيين ..!!

ولو ما تبا .. تبا تجذب الأنظار .. يعني ليش ؟؟

انتي درة يا بنت بلادي ..

انتي درة مصانة ..

ما يوصلون لج إلا اللي يغوص في الأعماق ..

انتي اللي دافع عنج الإسلام ورفعج وعززج ..

انتي وانتي وانتي يا بنت بلادي اللي تربين أجياال ..

وتصنعين المستحيلاات ..

انتي اللي المسلمين طردوا يهود بنو قينقاع علشان تحرش بمسلمة ..

كلمة مسلمة مب هينة .. لأنها مسلمة ..

ولأنج يا بنت بلاادي مسلمة .. ^_^

الله يحفظج وإن شاء الله تكونين خير لأمتج ..

والله يحفظ بنات بلادنا ..

" العباءة تاج على الرأس .. فهل رأيتي تاجاً يوضع على الكتف ؟؟ "

عباتج رمز لفكرج ..

كبري عقلج - السموحة - ^_^


ومابطول عليكم ..

فمان الله مع القادم ^_^